Dýr hégómi

Mynd: Mynd Guðmundur Vigfússon

Stjórnmálamenn vilja stjórna og oft er hégóma þeirra og valdafýsn lítil takmörk sett. Til að svala þessari fýsn og sætta menn er oftar en ekki gripið til þess ráðs í stjórnarmyndunarviðræðum að skipta ráðuneytum upp, þannig að allir geti örugglega verið sáttir með sitt. Í lok dags þurfa jú allir mjúka og þægilega stóla. Það fer minna fyrir umræðunni um hvað þessi skipting ráðuneyta kostar íslenska skattgreiðendur, eða hvort raunveruleg nauðsyn er á þessu brölti, jafnvel með árs millibili. Sagan segir að það kosti hundruð milljóna að láta undan þessum hégóma pólitíkusa, sem þurfa að jafnaði ekki að gera grein fyrir þörfinni á uppstokkun ráðuneyta. Reikningurinn er síðan alltaf sendur á sama aðilann – íslenska skattgreiðandann.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.