Flest bendir til að Vinstri græn vinni kosningasigur 28. október. Bjartsýni Vinstri grænna er það mikil að nýkjörinn varaformaður flokksins, Edward Huijbens, er settur í fjórða sæti framboðslistans í NA-kjördæmi, sem er ekki öruggt þingsæti. Gamla brýnið Steingrímur J. Sigfússon leiðir listann, Bjarkey Olsen Gunnarsdóttir og Ingibjörg Þórðardóttir koma þar á eftir og síðan Edward. Hagkvæmast væri fyrir Vinstri græn að varaformaður þeirra væri einnig þingmaður en Vinstri græn eru greinilega reiðubúin að taka áhættu. Kannski skiljanlegt þar sem þau hafa skoðanakannanir með sér.