Völva DV sér lengra en nef hennar nær. Vefritið Kjarninn veittist harkalega að henni í síðustu viku og sakaði hana um að vera veruleikafirrta. Þetta er rétt hjá Kjarnanum. Völvur verða að geta aftengt sig veruleikanum þegar horft er inn í framtíðina.
Völvan spáði því að Ólafur Ragnar myndi sitja áfram á Bessastöðum. Þvílík firra. Já, eða allt þar til fyrir örfáum dögum. Hún spáði því að eftir miklar beygjur myndi bóndinn á Bessastöðum sitja áfram. Kjarni málsins er að völvan sér í gegnum holt og hæðir – óháð bæði núi og veruleika.