Hringbraut sagði frá því á dögunum að Njörður P. Njarðvík sé alveg hlessa á því hvaða núll og nóboddí séu á leið í forsetaframboð og finnst þau nú ekki standast samanburð við forseta fortíðarinnar og klykkir svo út með orðunum: „Hvaðan kemur eiginlega þetta sjálfsálit? Hvar er dómgreind og sjálfsgagnrýni? Hvílík sjálfsánægja!“.
Þetta er merkilegt fyrir þær sakir að árið 1996 taldi Njörður rétt að gefa sig fram við þjóð sína til þjónustu á Bessastöðum. Hann tók sér þó ógnarlangan tíma til umhugsunar og féll loks frá þessu, þar sem honum óx tilkostnaðurinn í augum. En jú, það eru nú ekki mörg mikilmenni af hans kalíberi.