Stríð Steingríms

Steingrímur J. Sigfússon, formaður VG, verður stöðugt veikari eftir því sem fylgi minnkar og ágreiningsmálin við Ögmund Jónasson taka á sig skýrari mynd. Fæstum hefur leynst að flokkurinn er klofinn þótt Steingrími hafi með handafli tekist að halda honum saman. Menn bíða þess nú spenntir að lokauppgjör Steingríms og Ögmundar fari fram. Allt eins er viðbúið að Ögmundur muni hafa þar betur og taki við kefli formannsins.