Bubbi í nýrri baráttu

Bubbi Morthens hefur verið til í ýmsum myndum. Hann barðist fyrir verkalýðinn, var stórtækur í hlutabréfaviðskiptum í góðærinu, áberandi í mótmælum í hruninu, varð sérstakur stuðningsmaður Bónus-feðga eftir hrun og auglýsti lengi vel lúxusjeppa. Nú er orðinn til nýr Bubbi, og hann er líklega besti Bubbi sem uppi hefur verið. Nýjasta barátta Bubba er fyrir rafbílum, sem menga minna og valda því að við þurfum ekki að flytja inn bensín. Gott fyrir efnahaginn, heilsuna og umhverfið. „Rafmagnsbílar eru framtíðin,“ skrifar Bubbi.