Dylgjað um Döllu

Fjölmiðlarýnir Viðskiptablaðsins, Andrés Magnússon, er þekktur fyrir áræði í skrifum sínum. Honum varð í síðasta pistli tíðrætt um það að Fjölmiðlanefnd hefði ekki tæki til að knýja fram upplýsingar um eignarhald 365 miðla. Í því samhengi bendir hann á að forsetadóttirin Dalla Ólafsdóttir hafi nýlega verið ráðin þangað. Svo er að skilja sem þetta sé óheppilegt því tvíburasystir hennar, Guðrún Tinna hafi verið yfirmaður innlendra fjárfestinga hjá Baugi. Þarna er gefið til kynna með rökstuddum hætti að Dalla sé handbendi eigenda 365.