Eiður Guðnason, fyrrverandi sendiherra, er óvæginn þegar um er að ræða mál sem á honum brenna. Á dögunum brá hann sér í Skálholt til að berja augum umdeilda kofabyggingu sem Árni Johnsen og félagar hans hafa látið byggja við hina fögru kirkju.

„Skemmdarverkið var enn verra en mann óraði fyrir,“ bloggaði Eiður um það sem fyrir augu bar. Hann birti mynd á DV.is þessu til sönnunar og óhætt er að segja að staðfestingin blasi við.