Brynjar Níelsson, formaður Lögmannafélags Íslands, segist skilja að það trufli óbreytta borgara að lögmenn og dómarar í sakamálum eigi í nánum samskiptum utan vinnunnar.

Vefmiðilinn Eyjan ræddi við hann um málið í lok síðustu viku kjölfarið á umfjöllun DV um að Benedikt Bogason hæstaréttardómari og Karl Axelsson, lögmaður Baldurs Guðlaugssonar, hefðu farið saman í bíó um það leyti sem mál Baldurs var flutt í Hæstarétti í síðasta mánuði. Benedikt er einn af dómurunum í máli Baldurs.

Brynjar telur að slík samskipti á milli dómara og lögmanna séu ekki óeðlileg í fámennissamfélaginu á Íslandi og að þau leiði ekki ein og sér til vanhæfis. „En ég get samt alveg skilið að þetta trufli marga,“ sagði Brynjar. Þetta er sennileg greining hjá Brynjari.