Einhverjir glíma við fráhvörf eftir að sá hugumprúði riddari réttlætisins, Bubbi Morthens, hvarf skyndilega og fyrirvaralaust af Facebook.

Bubbi notaði gjarnan vettvanginn til að miðla fróðleiksmolum af sjálfum sér og höggva til óvina sinna. Það er þó einhverjum huggun harmi gegn að hann heldur áfram að skrifa á Pressuna sem glímir við tilvistarvanda.

Og spámaðurinn Bubbi dregur ekki af sér í nýjasta pistlinum: „Staðreyndin er sú að við erum á leiðinni til helvítis. Hlekkjuð við ára fjandans og við róum og við róum og við róum. Sextíu þúsund fjölskyldur hlekkjaðar við árar fjandans,“ skrifar hann.