Hrannar B. Arnarsson, aðstoðarmaður forsætisráðherra, er virkur á Facebook þar sem hann lætur gjarnan sitt pólitíska ljós skína. „Íbúðarverð hækkar jafnt og þétt – nálgast nafnverð eins og það var fyrir hrun. Eignaverð hækkar nú uþb helmingi meira en verðtryggingin. Allt í rétta átt!“ skrifar hann í gleði sinni. Gunnar Smári Egilsson, fyrrverandi fjölmiðlakóngur, er ekki jafnhrifinn og segir þetta vera villuljós: „Þetta eru ekki góðar fréttir; heldur slæmar. Bendir til eignabólu.“