Sprenging meirihlutans í Kópavogi kom flatt upp á Guðríði Arnardóttur, leiðtoga Samfylkingar, sem hélt að sambúðin við Hjálmar Hjálmarsson og Næstbesta flokkinn væri með miklum ágætum. Á hægrivængnum bíða menn spenntir undir forystu Ármanns Kr. Ólafssonar sem er tilbúinn í að stýra nýjum meirihluta. Ármann sló Gunnar Birgisson, fyrrverandi bæjarstjóra, út af borðinu í prófkjöri en nú er fullyrt að sættir hafi tekist með þeim og báðir séu tilbúnir að leiða Kópavog til móts við nýja tíma.