Atli Gíslason, þingmaður utanflokka, er þögull um afstöðu sína hvað varðar að vísa máli Geirs Haarde frá landsdómi. Atli var formaður þingmannanefndarinnar sem lagði til að skorið yrði úr um sekt lykilráðherra varðandi hrunið. Talið er að nefndarformennskan og lyktir málsins, þar sem allir sluppu nema Geir, hafi farið illa í Atla sem nú er á pólitískum vergangi. Vefritið Smugan innti hann eftir afstöðu til þeirrar tillögu Bjarna Benediktssonar að sleppa Geir en Atli neitaði að svara því.