Eftir öruggan sigur í prófköri sjálfstæðismanna á Akureyri hefur Sigrún Björk Jakobsdóttir fjallað um hópinn sem sjálfstæðismenn stilla upp í sveitarstjórnarkosningunum 29. maí.

Sigrún er ánægð með úrslitin og þótt hún þreytist ekki á að telja upp kosti efstu fimm manna talar hún lítið um manninn í sjötta sæti, Sigurð Guðmundsson, sem gerði atlögu að henni.

Sigurður hefur látið hafa eftir sér að hann vilji ekki pólitískan bæjarstjóra sem gæti farið fyrir brjóstið á bæjarstýrunni fyrrverandi. Eða þá að hún geri sér bara engar vonir um að ná inn sjötta manninum og þannig meirihluta í bæjarstjórn.