Ólína Þorvarðardóttir alþingismaður er í leyfi frá Alþingi til að sinna þungaðri dóttur sinni sem býr í Danmörku. Í dag eignaðist Ólína síðan dótturdóttur og varð þreföld amma.
Ólína lýsti reynslunni á bloggi sínu. ,,Það var ólýsanleg upplifun og djúp reynsla að vera viðstödd fæðingu þessa barns. Fæðingin var erfið – og um tíma tvísýn – en móðirin stóð sig eins og hetja, og allt fór þetta á besta veg. Nú heilsast móður og barni vel."