Útgerðarmenn eru skelfingu lostnir eftir að Jóhanna Sigurðardóttir forsætisráðherra lýsti því yfir í Silfri Egils að vel kæmi til greina að halda þjóðaratkvæðagreiðslu um fyrningarleiðina. Mælingar sýna að mikill meirihluti þjóðarinnar er andvígur kvótakerfinu.

Gjá er því milli þjóðar og útgerðarmanna í málinu og nokkuð ljóst að þjóðin tæki afstöðu gegn því að fiskistofnarnir séu í eigu fárra aðila. Bjarni Benediktsson, formaður Sjálfstæðisflokksins og hvatamaður þjóðaratkvæðis vegna Icesave, er ekki hrifinn af hugmyndinni og vildi vita um hvað ætti svo sem að kjósa.