Eins og greint var frá í Sandkorni fyrir nokkru er allt kapp lagt á að taka Ögmund Jónasson, alþingismann VG, aftur inn í ríkisstjórnina og tryggja þannig frið. Hermt er að hann vilji verða heilbrigðisráðherra aftur.

En kálið er ekki sopið þótt í ausuna sé komið. Hvorki Álfheiður Ingadóttir heilbrigðisráðherra né Svandís Svavarsdóttir umhverfisráðherra mega til þess hugsa að Ögmundur snúi aftur. Þær stöllur tilheyra Steingrímsarminum. Því er jafnvel spáð að þær geri uppreisn ef til þess kæmi.