Guðbjörg Matthíasdóttir, auðkona í Vestmannaeyjum, er á miklu flugi þessa dagana. Hún slapp með undraverðum hætti við hrunið þegar henni tókst að ná milljörðum út úr Glitni örskömmu fyrir fall hans. Þungamiðjan í eigum Guðbjargar er Ísfélagið í Vestmannaeyjum sem að vísu er nokkuð skuldsett. Þá fer hún með stærsta eignarhlutinn í Árvakri, útgáfufélagi Moggans. Þeirri eign fylgir að vísu aðeins byrði ef litið er til reksturs blaðsins. Nú er því fleygt að sendimenn Guðbjargar séu að reyna að kaupa Sjóvá af ríkinu. Ljóst er að veldi athafnakonunnar stefnir í að verða eitt það mesta á Íslandi.