Sem kunnugt er flutti þingflokkur Vinstrigrænna höfuðstöðvar sínar í Aðalstræti 6 fyrir nokkru þar sem áður var Morgunblaðshöllin. Þingflokkurinn hefur þar skrifstofur sínar eins og vera ber, alls 14 manns.

Það á líka við um Ögmund Jónasson leiðtoga órólegu deildarinnar í VG. Hins vegar er hending að Ögmundur sjáist á skrifstofu sinni meðal flokkssystkina sinna í Aðalstræti. Hann ku hafa hreiðrað um sig einn í Vonarstræti og lætur sem minnst sjá sig. Hafa menn þetta til marks um hversu djúp gjáin er milli Steingrímssinna og Ögmundarsinna.