Varaþingmaður Sjálfstæðisflokksins, Erla Ósk Ásgeirsdóttir, hefur tekið sæti á Alþingi. Erla þykir vera afar frambærileg en fortíðin þvælist nokkuð fyrir. Hún var hluti af öflugri markaðsdeild gamla Landsbankans sem hafði meðal annars það hlutverk að sannfæra Breta og Hollendinga um að leggja sparifé sitt inn á IceSave-reikninga. Sú snjalla markaðssetning hefur þegar orðið þjóðinni dýr. DV-bloggarinn Teitur Atlason fjallar um málið og botnar ekkert í því að hún skuli sitja á þingi. Og það eru fleiri á sömu skoðun því stofnuð hefur verið Facebook-grúppa gegn þingsetu hennar.