Helgi Seljan, fréttamaður Kastljóss, hefur farið mikinn undanfarin kvöld þar sem hann hefur rakið botnlausar afskriftir og skuldir Icelandic Group, Brims og fleiri félaga. Þessar upplýsingar eru komnar úr lánabók Landsbankans frá árinu 2008. Samkvæmt frétt Helga í kvöld er Brim, sem er í aðaleigu Guðmundar Kristjánssonar, við það að vera gjaldþrota. Sama er uppi á teningnum varðandi Hraðfrystihúsið Gunnvöru á Ísafirði sem berst við milljarðaskuldir. Víst er að óvinum Helga Seljan fjölgar hratt eftir því sem hann plokkar fleiri skandala upp úr lánabókinni.