Útrásarvíkingurinn Jón Helgi Guðmundsson, kenndur við BYKO, sem á og rekur verslanir Kaupáss hefur að undanförnu komið Mogganum til bjargar. Verslanir hans, Krónan, Nóatún og BYKO, hafa síðustu vikurnar verið með uppistöðuna í auglýsingum blaðsins. Þessi vinarvottur við Moggann er ómetanlegur á erfiðum tímum þegar stórflótti áskrifenda hefur skilið eftir mikið skarð í tekjum blaðsins. Jón Helgi, hefur eins og reyndar fleiri útrásarvíkingar, átt í nokkru basli. Hann upplýsti sjálfur í blaðaviðtali fyrir margt löngu að rekstur hans í útlöndum niðurgreiddi taprekstur á verslunum hans.