Í umfjöllun The Independent um málið kemur fram að eftir að banninu við að eignast meira en eitt barn var aflétt 2015 hafi barneignum fjölgað lítillega en ekki sé útliti fyrir að fjölgunin verði mikil og sannkölluð sprenging verði í barneignum. Ástæðan er að fólk óttast um öryggi og velferð barnanna. Inn í þetta spila hneykslismál sem upp hafa komið á undanförnum árum.
Þar má nefna eitraða þurrmjólk og leikföng þakin blýi en þessi mál vöktu mikla athygli og umræðu í Kína þegar þau komu upp. Þá óttast margir að bóluefni séu ekki nægilega góð, að bleiur hafi ekki verið prófaðar og rannsakaðar nægilega vel áður en þær eru settar á markað, ofbeldi gagnvart börnum í leikskólum og yfirhylmingu yfirvalda yfir þau mál.
Þrátt fyrir að Kínverjir gagnrýni stjórnvöld ekki, að minnsta kosti ekki opinberlega, blundar mikið vantraust í garð þeirra undir niðri vegna vanmáttar þeirra við að hafa stjórn og eftirlit með kaupsýslumönnum og framleiðendum sem hafa verið viðriðnir hin ýmsu hneykslismál tengdum velferð barna.