DV tók saman kostnaðinn við vikuferðalag til Evrópu, Bandaríkjanna, Indónesíu og Asíu – Gífurlegur munur á gistingu og uppihaldi eftir löndum
Par sem hyggst fara í vikulangt frí erlendis í sumar þarf að gera ráð fyrir minnst 300 þúsund krónum í ferðakostnað samkvæmt lauslegri könnun DV. Vika í New York-borg kostar hér um bil það sama og vika í ferðamannaparadísinni Balí í Indónesíu ef miðað er við fjögurra stjörnu gistingu. Heildarkostnaðurinn er lægstur ef ferðast er til Barcelona á Spáni þó svo að þar sé hótelgistingin dýrust.
Hér er miðað við par sem hyggst fara í frí erlendis fyrstu vikuna í júlí næsta sumar eða nánar tiltekið 2.–9. júlí. Miðað er við gistingu á fjögurra stjörnu hóteli. Gert er ráð fyrir að að borðað sé úti mestallan tímann og barinn jafnframt heimsóttur nokkrum sinnum. Þeir staðir sem litið er til eru Barcelona í Evrópu, New York í Bandaríkjunum, Phuket í Taílandi og Balí í Indónesíu.
Hér er um að ræða heildarkostnað fyrir utan lausan kostnað á borð við samgöngur, matvörur, snyrtivörur, skoðunarferðir og skemmtanir. Rétt er að taka fram að um gróflegan útreikning er að ræða og er listinn engan veginn tæmandi heldur eingöngu til viðmiðunar.
Í hverju tilfelli fyrir sig var stuðst við leitarvél dohop.com til að finna ódýrasta flugfargjaldið þar sem farangursheimild er innifalin. Ódýrast er að fljúga til Barcelona á Spáni þar sem flugfar báðar leiðir fyrir tvo kostar rúmlega 89 þúsund krónur samtals. Sú upphæð er rúmlega einn þriðji þess kostnaðar sem fylgir því að ferðast til Phuket-eyju í Taílandi.
Flogið frá Keflavík með WOW air á WOW Plus: ##140.483 kr. fyrir báðar leiðir
Flogið frá Keflavík með WOW air á WOW Plus: ##88.983 kr. fyrir báðar leiðir.
Á leið út: Flogið frá Keflavík til Kaupmannahafnar með SAS. Flogið frá Kaupmannahöfn til Denpasar með Qatar Airlines með einni millilendingu í Doha.
Á leið heim: Flogið frá Denpasar til Óslóar með einni millilendingu í Doha með Quatar Airlines. Flogið frá Ósló til Keflavíkur með Icelandair.
Á leið út: Flogið frá Keflavík til Kaupmannahafnar með SAS. Flogið frá Kaupmannahöfn til Phuket með Qatar Airlines með einni millilendingu í Doha.
Á leið heim: Flogið frá Phuket til Kaupmannahafnar með Qatar Airlines með einni millilendingu í Doha. Flogið frá Kaupmannahöfn til Íslands með Icelandair.
Samtals: 258.831 kr. fyrir báðar leiðir.
Aftur er miðað við ódýrustu fjögurra stjörnu gistinguna á hverjum stað fyrir sig og stuðst við leitarvélina á bókunarsíðunni booking.com. Ódýrasta gistingin er á Phuket-eyju en þar kostar vika á fjögurra stjörnu hóteli álíka mikið og ein nótt á fjögurra stjörnu hóteli í miðborg Barcelona.
Gisting fyrir tvo í sjö nætur á ROW NYC við Times Square (að undanskildum sköttum og gjöldum): 87.395 kr.
Gisting fyrir tvo í sjö nætur á Hotel Garbi Millenni (að undanskildum sköttum og gjöldum): 103.407 kr.
Gisting fyrir tvo í sjö nætur á Hotel Bali & Spa (að undanskildum sköttum og gjöldum): 24.414 kr.
Gisting fyrir tvo í sjö nætur á CA Residence (að undaskildum sköttum og gjöldum): 17.532 kr.
Gert er ráð fyrir að parið geri vel við sig eitt kvöld í ferðinni og snæði kvöldverð á veitingastað í fínni kantinum. Hér má sjá verðdæmi af veitingastöðum sem valdir voru af handahófi en í öllum tilfellum var miðað við þriggja rétta máltíð á fimm stjörnu veitingastað.
27.056 kr. á veitingastaðnum Le Bernandin
23.526 kr. á veitingastaðnum Passadis del Pep
11.698 kr. á veitingstaðnum Kubu.
6.633 kr. á veitingastaðnum La Gritta
Ekki er óalgengt að áfengi sé haft um hönd í fríi erlendis og hér er gert ráð fyrir nokkrum ferðum á barinn. Aftur eru hér tekin verðdæmi af stöðum sem valdir eru af handahófi. Til viðmiðunar má nefna að samkvæmt samanburðarvél á heimasíðunni numbeo.com getur bjórflaskan kostað 465 krónur í Denpasar, 834 krónur í New York, 375 krónur í Barcelona og 325 krónur í Phuket.
230 Fifth Rooftop Bar:
Mojito: 1.468 kr.
Flaska af Carlsberg: 943 kr.
George Payne Bar:
Mojito: 1.126 kr.
Flaska af Carlsberg: 469 kr.
Casablanca Bar:
Mojito: 772 kr.
Flaska af Carlsberg: 272 kr.
Surfhouse Bar:
Mojito: 878 kr.
Flaska af Carlsberg: 520 kr.
Samkvæmt leitarvél numbeo.com er langódýrast að borða úti á Denpasar í Balí en máltíð fyrir tvo á hefðbundnum veitingastað kostar minna en fjögur hundruð íslenskar krónur.
New York, Bandaríkin: 3.870 kr.
Barcelona, Spánn: 2.502 kr.
Denpasar, Bali: 388 kr.
Phuket, Taíland: 2.271 kr.
New York, Bandaríkin: ##331.827 kr.
Barcelona, Spánn: ##265.735 kr.
Phuket, Taíland: ##328.068 kr.
Denpasar, Bali: ##341.632 kr.
