Páskaeggjasmökkun DV: Bylgja biðlar til framleiðenda– Ekki skemma þetta með lakkrís!

Þetta sagði dómnefndin um besta eggið – Hvíta súkkulaðið velkomin tilbreyting

Frá vinstri: Haukur, Eva Laufey, Bylgja, Kristján og Björn. Öll með tölu kröfuharðir súkkulaði- og sælgætisgrísir sem gáfu engan afslátt.
Dómnefndin Frá vinstri: Haukur, Eva Laufey, Bylgja, Kristján og Björn. Öll með tölu kröfuharðir súkkulaði- og sælgætisgrísir sem gáfu engan afslátt.
Mynd: DV ehf / Sigtryggur Ari

Lindu Lindor hvíta súkkulaðieggið frá Góu er að mati dómnefndar DV besta íslenska páskaeggið í ár.

Dómnefndina í ár skipuðu þau Eva Laufey Kjaran Hermannsdóttir, dagskrárgerðarkona og súkkulaðifíkill að eigin sögn, Björn Þorfinnsson, blaðamaður DV og sjálftitlaður nammigrís, Haukur Dór Bragason, athafnamaður og séntilmenni, Kristján Kristjánsson, framkvæmdastjóri ÍNN og sælkeri, og Bylgja Babýlons, uppistandari og sérlegur andstæðingur lakkríss – eins og lesa má á umsögn hennar um eggin. Hún hreinilega biðlar til framleiðenda að vera ekki að skemma sigureggið með því að troða lakkrís í það eins og svo mörg önnur egg.

Hér fyrir neðan má sjá umsögn dómnefndar um Lindor-eggið hvíta.


Mynd: DV ehf / Sigtryggur Ari

1. – Lindu Lindor hvítt súkkulaðiegg (Góa)

Eva Laufey: „Stenst allar mínar væntingar varðandi hvítt súkkulaði. Ljúffengt.“
Björn: „Ferskt og brýtur upp súkkulaðiveisluna. Það vantar ekki meira súkkulaði í kroppinn.“
Haukur: „Ferskt og gott. Vel heppnað hvítt súkkulaði, minnir svolítið á Kinder-egg.“
Kristján: „Lindor er bara nostalgískt og nærir sálina.“
Bylgja: „Hvítt súkkulaði bregst aldrei. Mig langar að biðla opinberlega til sælgætisframleiðenda um að vera ekki að setja lakkrís í það. Plís.“

Meðaleinkunn: 8


Viltu vita hvaða páskaegg eru í toppsætunum? Allt um það í helgarblaði DV

Viltu lesa meira? Þú getur strax lesið þessa grein og aðrar í heild sinni hér á DV.is með því að ýta á „Sjá meira“ og nýta þér hagstæða áskriftartilboð frá aðeins 928 kr. á mánuði.
Sjá meira »
Gleymt lykilorð?
Auglýsing

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.