Páskaeggin vigtuð: Ekki verið að snuða neytendur

Eggin í samræmi við uppgefna þyngd á pakkningum og jafnvel þyngri

Neytendur virðast geta treyst því að raunveruleg þyngd pásaeggjanna sem þeir kaupa þessa dagana er í samræmi við uppgefna þyngd á pakkningunum.
Jákvætt Neytendur virðast geta treyst því að raunveruleg þyngd pásaeggjanna sem þeir kaupa þessa dagana er í samræmi við uppgefna þyngd á pakkningunum.
Mynd: DV ehf / Sigtryggur Ari

Páskaeggjaframleiðendur eru ekki að snuða íslenska neytendur. Þetta er niðurstaða athugunar Neytendastofu sem reglulega vigtar forpakkaðar vörur til að sannreyna að uppgefin þyngd á umbúðum sé í samræmi við raunverulega þyngd vörunnar.

Greint er frá því á vef Neytendastofu að í síðustu ferð hafi verið vigtaðar vörur frá níu framleiðendum, þar á meðal páskaegg.

„Eggin voru valin af handahófi en þó af mismunandi stærð eða 120 g, 345 g og 585 g. Uppgefin vigt á að vera þyngdin á egginu og sælgætinu sem því fylgir en þyngd umbúða, skrauts og ekki má gleyma málshættinum, þar fyrir utan. Niðurstöður þessara úrtaksmælinga voru á þann veg að eggin voru í samræmi við uppgefna þyngd og ef eitthvað þá aðeins yfir. Ánægjulegar niðurstöður fyrir neytendur,“ segir í tilkynningu á vef stofnunarinnar.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.