fbpx
Neytendur

Það kostar svona mikið að halda jól

Kostnaður vísitölufjölskyldunnar varla undir 150 þúsund krónum

Auður Ösp
Laugardaginn 23. desember 2017 08:24

Það getur kostað meðalfjölskyldu á Íslandi rúmlega 150 þúsund krónur að halda heilög jól samkvæmt lauslegum útreikningum DV. Þá er miðað er við hjón með tvö ung börn. DV gerði svipaða útreikninga í desember 2014 þar sem stuðst var við sömu útgjaldaliði en í þeirri úttekt nam áætlaður kostnaður vegna jólahalds svipaðri upphæð og í ár, eða 142 þúsund krónum.

Ályktað er að hver Íslendingur hafi að jafnaði varið 53.813 krónum í jólainnkaup árið 2016 samkvæmt áætlun Rannsóknaseturs verslunarinnar. Árið á undan nam þessi upphæð 49.156 og var vöxturinn á milli ára því 9,5 prósent. Rannsóknasetur verslunarinnar hefur ekki birt spá fyrir jólaverslunina nú í ár en þegar DV hafði samband fengust þau svör að ástæðan væri meðal annars aukin netverslun bæði innanlands og erlendis auk þess sem jólainnkaup hafa dreifst víðar yfir mánuðina.

Samkvæmt árlegri jólaspá Capacent í ár hækkar jólavísitalan um 0,27 prósent og samkvæmt verðbólguspá mun 12 mánaða verðbólgan aukast úr 1,7 í 1,9 prósent. Samkvæmt spánni má búast við „týpískum jólum.“ Má því gera ráð fyrir að áætluð jólaeyðsla á hvern Íslending verði svipuð nú í ár og í fyrra.

Útreikningarnir sem hér fylgja miðast sem fyrr segir við hjón með tvö börn á leikskólaaldri. Gert er ráð fyrir þeim útgjöldum sem fylgja tveimur dæmigerðum jólamáltíðum, endurnýjun á sparifötum, jólatréskaupum, jólaskreytingum og öðru smálegu. Þá má ekki gleyma stærsta kostnaðarliðnum sem eru jólagjafirnar. Rétt er að taka fram að listinn hér er langt í frá tæmandi og er aðeins til viðmiðunar. Forsendur útreikninga eru hóflega áætlaðar og ljóst er að hægt er að áætla bæði hærri og lægri kostnað við ýmsa af útgjaldaliðunum.

Hangikjöt, malt og appelsín

Hér er miðað við að fjölskyldan snæði saman tvær hátíðarmáltíðir: hamborgarhrygg og ís á aðfangadag og hangikjöt með uppstúf á jóladag. Kræsingunum er að sjálfsögðu skolað niður með malti og appelsíni. Allt kostar þetta rúmlega 21 þúsund krónur og þá á eftir að bæta við í jólakörfuna hefðbundnum jólavörum eins og til dæmis mandarínum, Nóa konfekti, kaffi eða áfengi.

Allir þurfa ný föt

Það vill að sjálfsögðu enginn fara í jólaköttinn og þá eru börnin einnig fljót að vaxa upp úr sparifötunum. Í þessu tilviki splæsir heimilisfaðirinn á sig nýrri skyrtu fyrir jólin og móðirin kaupir sér nýjan kjól. Sonurinn fær nýja skyrtu og buxur á meðan dóttirin fær nýjan kjól, sokkabuxur og skó. Hér er kostnaðurinn tæpar 38 þúsund krónur.

Jólatréð ómissandi

Fjölskyldan kaupir stórt lifandi jólatré í Blómavali en þar kostar stafafura 8.990 krónur. Til viðbótar fjárfesta þau í ljósaseríu á tréð í Húsasmiðjunni og bæta síðan við nokkrum hlutum við jólaskrautssafnið. Allt í allt kostar góssið rúmlega 19 þúsund krónur.

Sjö þúsund krónur á gjöf

Rétt eins og í fyrri útreikningum DV er miðað við að fjölskyldan kaupi alls tíu jólagjafir þar sem hver gjöf kostar 7.000 krónur. Miðað er við að hjónin gefi hvort öðru gjöf, börnunum hvoru sína gjöfina, foreldrum sínum og jafnvel systkinum. Allt í allt 70 þúsund krónur.

Jólahald

Viðmiðunarkostnaður fyrir hjón með tvö börn.


Tvær hátíðarmáltíðir

Hamborgarhryggsmáltíð

KEA hamborgarhryggur 1.698 kr/kg (Bónus)
2,5 kg: 4.245 kr.

Meðlæti:
Ananassneiðar Dole: 209 kr. (Hagkaup)
Rauðkál Ora: 299 kr. (Hagkaup)
Maísbaunir Ora: 249 kr. (Hagkaup)

**Brúnaðar kartöflur:
Forsoðnar kartöflur Þykkvabæjar 2×500 g: 498 kr. (Bónus)

Waldorf-salat
4 epli: 190 kr. (Hagkaup)
200 g græn vínber: 219 kr. (Hagkaup)
Sýrður rjómi MS 180 g: 259 kr. (Hagkaup)
Rjómi 250 ml: 279 kr. (Bónus)
Sellerístönglar 1pk: 248 kr. (Hagkaup)
Valhnetur, 300 g: 692 kr. (Hagkaup)

Jólaöl:
Egils appelsín 2 x 2 lítrar: 659 kr. (Hagkaup)
Egils Malt: 4 x 0,5 lítrar: 796 kr. (Hagkaup)

Jólaís 2L box og 6 vöffluform: 2.990 kr. (Valdís)

Samtals: 11.832

Ekki er gert ráð fyrir kaupum á sykri, smjöri, kryddi og öðru smálegu.

40 prósenta verðmunur

Verðkönnun ASÍ á jólamat sýnir að neytendur geta haft talsvert upp úr því að kaupa jólamatinn þar sem hann er ódýrastur en að meðaltali er um 40 prósenta verðmunur á jólamatnum á milli verslana.

Í könnuninni, sem var framkvæmd 13. desember 2017, kemur fram að Bónus er í flestum tilfellum með lægsta verðið eða í 54 prósentum tilfella en næst á eftir kemur Krónan sem er með lægsta verðið í 15 prósentum tilfella. Hagkaup er oftast með hæsta verðið eða í 36 prósentum tilfella en þar á eftir kemur Iceland með hæsta verðið í 29 prósentum tilfella. 

Hangikjötsmáltíð

Taðreykt hangikjöt frá SS: 3.499 kr/kg (Krónan)
1,5 kg: 5.248 kr.

Meðlæti:
Grænar baunir Ora, 199 g: 138 kr. (Hagkaup)
Rauðkál Ora, 380 g: 275 kr. (Hagkaup)
Laufabrauð, Ömmubakstur 15 stk: 1.435 kr. (Bónus)
Forsoðnar kartöflur Þykkvabæjar 2x500gr: 498 kr. (Bónus)
Uppstúf tilbúið: 466 kr. (Hagkaup)

Jólaöl:
Egils appelsín 2 x 2 lítrar: 659 kr. (Hagkaup)
Egils Malt: 4 x 0,5 lítrar: 796 kr. (Hagkaup)

Samtals: 9.515 kr.

Alls: 21.347 kr.


Endurnýjun sparifata

Fullorðnir:
Ný herraskyrta: 14.980 kr. (Herragarðurinn)
Nýr kjóll: 9.290 kr. (Vila)

Börn:

Stúlka:
Jólakjóll: 3.495 kr. (H&M)
Leggings: 1.495 kr. (H&M)
Skór: 2.999 kr. (Lindex)

Drengur:
Skyrta: 3.990 kr. (Name it)
Buxur: 1.995 kr. (H&M)

Samtals fyrir fjölskyldu: 38.244 kr.


Jólatré, skreytingar o.fl.

Stafafura 151–200 cm: 8.990 kr. (Blómaval)
Ljósasería, 80 ljós: 1.194 kr. (Húsasmiðjan)
Skrautkúlur, 15 stk: 594 kr. (Húsasmiðjan)
Jólatréstoppur: 774 kr. (Húsasmiðjan)
Hengiskraut: 594 kr. (Húsasmiðjan)
Jólasveinastytta 18 cm: 1.374 kr. (Húsasmiðjan)

Servíettur 20 í pk x 2: 472 kr. (Rúmfatalagerinn)
Agermynte jóladúkur 140 x 240 cm: 2.097 kr. (Rúmfatalagerinn)
EH jólaglös, 3 í pakka: 349 kr. (Rúmfatalagerinn)

Gjafapappír, 5 rúllur: 1.475 kr. (Ikea)
Merkimiðar, 16 stykki í pakka x 2: 190 kr. (Ikea)
Julemanden gjafapoki L: x 3: 597 kr. (Rúmfatalagerinn)
Noel pakkaskraut, 24 stk: 239 kr.

Samtals: 18.939 kr.


Tíu jólagjafir: U.þ.b. 70.000 kr.


Heildarkostnaður: 148.530 kr.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Neytendur
12.11.2017
Dauðinn er dýr
Neytendur
08.11.2017

Þýsk heimildarmynd afhjúpar Haribo: Barnaþrælkun og slæmur aðbúnaður dýra

Svín með gapandi sár – Verkamenn í Brasilíu vinna við frumstæðar aðstæður

Þýsk heimildarmynd afhjúpar Haribo: Barnaþrælkun og slæmur aðbúnaður dýra
Neytendur
19.10.2017

Aðdáendur Quality Street geta tekið gleði sína á ný: Brúni molinn kemur aftur fyrir jólin

Aðdáendur Quality Street geta tekið gleði sína á ný: Brúni molinn kemur aftur fyrir jólin
Neytendur
02.10.2017

Hæstu áfengisskattar í Evrópu: Sjáðu muninn á Íslandi og Noregi – „Takmarkalausu skattagleði stjórnvalda

Hæstu áfengisskattar í Evrópu: Sjáðu muninn á Íslandi og Noregi – „Takmarkalausu skattagleði stjórnvalda
Neytendur
21.06.2017

Sóley gleymdi vegabréfinu og sat uppi með 73 þúsund króna kostnað í kjölfarið

Sóley gleymdi vegabréfinu og sat uppi með 73 þúsund króna kostnað í kjölfarið
Neytendur
19.06.2017

Ashley og Josh segja að Ísland sé eitt dýrasta land í heimi: Sjáðu hvað þau hafa borgað á nokkrum dögum

Ashley og Josh segja að Ísland sé eitt dýrasta land í heimi: Sjáðu hvað þau hafa borgað á nokkrum dögum
Neytendur
06.06.2017

Ívar lætur íslenska veitingastaði fá það óþvegið: Þetta fékk hann fyrir tæpar tvö þúsund krónur

„Þetta var eins og að vera rændur um hábjartan dag!“

Ívar lætur íslenska veitingastaði fá það óþvegið: Þetta fékk hann fyrir tæpar tvö þúsund krónur
Neytendur
09.05.2017

Innflutningur á drykkjarvörum í uppnámi vegna séríslenskrar kröfu um lóðrétt strikamerki

Innflutningur á drykkjarvörum í uppnámi vegna séríslenskrar kröfu um lóðrétt strikamerki
Neytendur
04.05.2017

Innkalla Bombay-gin í Kanada: Miklu sterkara en uppgefið er

Innkalla Bombay-gin í Kanada: Miklu sterkara en uppgefið er
Neytendur
08.04.2017

Hvað verður um öll eggin sem ekki seljast?

Ruslagámurinn bíður margra eftir páska – Önnur fá annað tækifæri eða nýtt líf – Framleiðendur reyna að lágmarka sóun

Hvað verður um öll eggin sem ekki seljast?
Neytendur
25.03.2017

Hægt að velja á milli níu erlendra borga fyrir sama verð og til Akureyrar

Hægt að velja á milli níu erlendra borga fyrir sama verð og til Akureyrar
Neytendur
24.03.2017

15 þúsund krónum ódýrara að fljúga til Edinborgar en Akureyrar

15 þúsund krónum ódýrara að fljúga til Edinborgar en Akureyrar