DV Frjáls og óháður miðill

Silfur Egils

Dan Brown í Kiljunni

Orðið á götunni

Fimmtudagsfríin færð

0
Miðvikudagur 25.apríl 2018
Neytendur

IKEA innkallar strandstól vegna slysahættu

Einar Þór Sigurðsson skrifar
Þriðjudaginn 24. janúar 2017 09:58

IKEA hvetur viðskiptavini sem hafa keypt MYSINGSÖ strandstól til að koma með hann í verslunina og fá endurgreiddan að fullu. Þetta kemur fram í tilkynningu frá IKEA.

„Eftir að áklæðið hefur verið tekið af til að þvo það, er hægt að setja það aftur á með röngum hætti þannig að það skapi hættu á að stóllinn gefi sig eða að notandi klemmist. IKEA hafa borist fimm tilkynningar um MYSINGSÖ stóla sem hafa tengst óhöppum eftir að hafa verið settir saman á rangan hátt. Í öllum fimm tilvikum slasaðist fólk á fingrum. Þessi tilvik gerðust í Finnlandi, Þýskalandi, Bandaríkjunum, Danmörku og Ástralíu,“ segir í tilkynningunni.

Þar segir að eftir að tilkynningarnar bárust hafi verið ráðist í umfangsmiklar rannsóknir sem leiddu til umbóta í hönnun til að koma í veg fyrir að mögulegt sé að setja stóllinn rangt saman. Uppfærður stóll verður fáanlegur í IKEA-verslunum frá apríl 2017.

„Öryggi vöruúrvalsins er í forgangi hjá IKEA og allar vörurnar okkar eiga að uppfylla bæði alþjóðleg og innlend lög, auk viðeigandi staðla. MYSINGSÖ stóllinn hefur staðist margvíslegar prófanir,“ segir í tilkynningunni.

Ekki er nauðsynlegt að sýna kvittun til að fá stólinn endurgreiddan. Nánari upplýsingar má nálgast á www.IKEA.is eða í þjónustuveri í síma 520 2500. „IKEA biðst velvirðingar á óþægindum sem þetta kann að valda,“ segir að lokum í tilkynningu fyrirtækisins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af