Sjálfreimandi skór frá Nike fáanlegir síðar á árinu

Skórnir hans Marty McFly orðnir að veruleika - Skynjari á sólanum sér til þess að þeir séu hæfilega aðþrengdir

Sjálfreimandi skór verða fáanlegir síðar á árinu.
Nike HyperAdapt 1.0. Sjálfreimandi skór verða fáanlegir síðar á árinu.

Sjálfreimandi skór frá íþróttavörumerkinu Nike verða fáanlegir síðar á þessu ári. Forsvarsmenn fyrirtækisins hafa nú birt myndband þar sem nýju og byltingarkenndu skórnir eru kynntir til leiks.

Skórnir heita Nike HyperAdapt 1.0 og verða fáanlegir fyrir viðskiptavini í Nike+ síðar á þessu ári. Skórnir eru sem fyrr segir sjálfreimandi og mun skynjari á sólanum sjá til þess að þeir séu hæfilega aðþrengdir þegar að stigið er í þá.

Segja má að beðið hafi verið eftir skónum með töluverðri eftirvæntingu frá árinu 1989. Þá klæddist Marty McFly, söguhetja kvikmyndanna Back to the future, sjálfreimandi Nike-skóm í Back to the Future 2. Sú mynd gerist árið 2015 og bjuggust margir við að Nike myndi koma með skónna á markað það ár.

Það gekk hins vegar ekki eftir en nú aðeins örfáum mánuðum eftir að Marty klæddist skónum, árið 2015, er ljóst að þeir séu orðnir að veruleika.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.