Dohop hefur skoðað stundvísi þeirra fimm flugfélaga sem eru með mest af áætlunarflugi frá Keflavíkurflugvelli í nýliðnum mánuði. SAS tekur nú við af þýska flugfélaginu Air Berlin sem stundvísasta flugfélagið.

Um 91% áætlaðra flugferða SAS voru á réttum tíma í september, en í ágúst var sú tala 69%.

Að easyjet undanskildu bæta öll flugfélög stundvísi sína mikið, þannig að í september voru að jafnaði átta af hverjum tíu áætluðum brottförum og lendingum á réttum tíma, en voru 64% í ágúst og ekki nema 54% í júlí.

Hér að ofan má sjá hlutfall lendinga og brottfara sem voru á réttum tíma hjá flugfélögunum ásamt meðaltöf í mínútum, sem einnig hefur minnkað mikið.

Þannig voru ekki bara færri tafir, heldur voru þær mun styttri en síðustu tvo mánuði.
Stundvísustu flugfélögin í september

Þegar heildarstundvísi er skoðuð, þ.e. þegar allt flug er skoðað burtséð frá því hvort um komuflug eða brottför er að ræða, sést að SAS var stundvísasta flugfélagið í september.
Íslensku flugfélögin tvö, WOWair og Icelandair, eru í 3. og 4. sæti þegar allt flug er tekið saman.

Delta heldur ekki lengur úti nógu reglulegu áætlunarflugi til að hægt sé að reikna stundvísi þess á marktækan hátt og því ekki með að þessu sinni.

Hér má sjá breytinguna sem varð á milli mánaða, en flugfélögin voru áberandi mikið stundvísari í september en í ágúst.