Hildur greinir frá því á Twitter að hún hafi mætt í upptökur í Los Angeles, þar sem henni hafði verið tilkynnt að nýr höfundur myndi koma sem héti Laureen. Reyndist það vera hin sænska Loreen sem kom sá og sigraði Eurovision árið 2012 með laginu Euphoria. „Sömdum tvö geggjuð lög,“ segir Hildur sem sjálf tók þátt í forkeppni Eurovision hér heima í fyrra. Hildur komst ekki áfram í það sinn, en lag hennar I´ll Walk With You var valið popplag ársins á íslensku tónlistarverðlaununum. Hildur tók einnig þátt árið 2015 ásamt Guðfinni Sveinssyni. Hildur mun koma fram á Secret Solstice í sumar og kannski fá áheyrendur að heyra lög hennar og Loreen þar.
[youtube https://www.youtube.com/watch?v=czL80l2X-L0]