fbpx
Menning

Margrét hannaði búninga fyrir kvikmynd um Anders Breivik – „Þetta var svolítið mikið“

Tómas Valgeirsson
Föstudaginn 7. september 2018 12:30

„Þetta er rosalega áhrifarík mynd og ég get ekki hætt að hugsa um hana,“ segir búningahönnuðurinn Margrét Einarsdóttir, en hún sá um 3.600 búninga fyrir kvikmyndina 22 July sem streymiveitan Netflix framleiðir.

Kvikmyndin fjallar um fjöldamorð Anders Behring Breivik í Útey og var frumsýnd á kvikmyndahátíðinni í Feneyjum á dögunum við frábærar viðtökur. Margrét var viðstödd á frumsýningunni og segir í viðtali við Mannlíf að það hafi tekið töluvert á að fara í gegnum þennan hrylling með aðstandendum myndarinnar.

July 22 er nýjasta afurð Óskarstilnefnda leikstjórans Paul Greengrass, sem er þekktur fyrir kvikmyndirnar United 93, Captain Phillips og þrjár myndir úr spennuseríunni um Jason Bourne. Margrét segir að handritið að 22 July hafa hrifið sig mikið og hin nána samvinna við fjölskyldur fórnarlambanna geri hana einstaka. Myndin byggir á bók Åsne Seierstad, Einn af okkur sem kom út í íslenskri þýðingu árið 2016, og Greengrass skrifaði handritið í samstarfi við hana.

Margrét hefur meðal annars séð um búningahönnun fyrir kvikmyndirnar Undir trénu, Hrúta, Vonarstræti, The Last King og nýlega háskadramað Arctic með Mads Mikkelsen og Maríu Thelmu Smáradóttur í helstu hlutverkum.

22 July hefur hlotið einróma lof gagnrýnenda og verður gefin út á Netflix í október. Myndin þótti gífurlega umfangsmikið verkefni og fara hátt í níutíu leikarar með hlutverk í myndinni auk rúmlega þrjú þúsund statista og Margrét þurfti að hanna búninga á allan fjöldann.

„Þetta var svolítið mikið,“ viðurkennir Margrét. „En verðugt viðfangsefni og skemmtilegt.“

Þess má geta að 22 July er ekki eina kvikmyndin sem hefur verið gerð um árásína og þennan örlagaríka dag. Norska kvikmyndin Útey (e. Utøya 22. juli) er nú í sýningum í Bíó Paradís og vill svo til að Margrét var beðin um að hanna búningana fyrir þá mynd einnig, en kvikmynd Greengrass varð fyrir valinu í staðinn. Að sögn Margrétar nálgast myndirnar þennan atburð á ólíkan hátt.

Utøya 22. juli er skáldskapur sem byggist á hinum raunverulegu atburðum. Myndin hefst þegar unga fólkið er í sjokki yfir sprengjunni í Osló og er að fullvissa fjölskyldur sínar um að þau sjálf séu óralangt frá sprengjuárásinni. Allt í einu brestur þetta örugga andrúmsloft í mola þegar byssuskot heyrast. Við fylgjumst svo með hinni átján ára Kötju þegar hún berst fyrir lífi sínu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Menning
Í gær

Hvaða hlutir gera lífið frábært – Hvaða hlutir kæmust á þinn lista?

Hvaða hlutir gera lífið frábært – Hvaða hlutir kæmust á þinn lista?
Menning
Fyrir 2 dögum

Þóra syngur Strauss á fimmtudag

Þóra syngur Strauss á fimmtudag
Menning
Fyrir 2 dögum

Jónsi í Svörtum fötum tekur ábreiðu af lagi Aron Can

Jónsi í Svörtum fötum tekur ábreiðu af lagi Aron Can
Menning
Fyrir 3 dögum

Silja Aðalsteins skrifar leikdóm um Allt sem er frábært – „Aðferðin sem Valur Freyr beitir er einlægni og hún fer honum vel“

Silja Aðalsteins skrifar leikdóm um Allt sem er frábært – „Aðferðin sem Valur Freyr beitir er einlægni og hún fer honum vel“
Menning
Fyrir 3 dögum

Birgir Nielsen gefur út nýtt lag – Útiklefinn væntanleg

Birgir Nielsen gefur út nýtt lag – Útiklefinn væntanleg
Menning
Fyrir 3 dögum

Hin hliðin á Daða Frey – Daði Freyr, nýr ritstjóri Dagblaðsins

Hin hliðin á Daða Frey – Daði Freyr, nýr ritstjóri Dagblaðsins
Menning
Fyrir 5 dögum

Framúrstefna í kvikmyndagerð og mannréttindamál í brennidepli

Framúrstefna í kvikmyndagerð og mannréttindamál í brennidepli
Menning
Fyrir 5 dögum

MAk leitar að ungum og hæfileikaríkum leikurum

MAk leitar að ungum og hæfileikaríkum leikurum