fbpx
Menning

Svona fór Friðrik Ómar að því að „smygla“ Bubba inn sem leynigesti á Fiskidagstónleikunum

Ragna Gestsdóttir
Þriðjudaginn 14. ágúst 2018 10:30

Mynd: Bjarni Eiríksson

Fiskidögum á Dalvík lauk að vanda á laugardagskvöld með tónleikum sem Friðrik Ómar Hjörleifsson hafði veg og vanda af, fram komu fjölmargir tónlistarmenn, en um 36 þúsund gestir sóttu tónleikana.

Leynigestur tónleikanna var enginn annar en konungurinn Bubbi, en enginn, hvorki áhorfendur né aðrir flytjendur höfðu hugmynd um að hann myndi koma fram. Í bítinu á Bylgjunni í morgun sagði Friðrik Ómar Gulla og Heimi frá hvernig honum tókst að smygla Bubba óséðum á svið.

Bubbi var í fríi og í veiði og sagðist því ekki komast á æfingar. „Ég ætlaði að láta þetta ganga,“ segir Friðrik Ómar, sem ræddi við Bubba og Palla Eyjólfsson, umboðsmann hans hjá Prime. Séræfingar voru því með Bubba, sem fékk einnig myndbönd af sviðinu sem hann átti að stíga á þann 11. ágúst.

„Bubbi kom til Dalvíkur og var sóttur við brúna sem er við bæjarmörkin. Hann var íklæddur vöðlujakka, enda að koma úr veiði. Það var góð hetta á jakkanum þannig að hann var óþekkjanlegur. Hann gekk síðan inn í frystihús, fór þar niður á hné og var sminkaður og labbaði síðan í gegnum frystihúsið og upp á sviðið, sem hann var að stíga á í fyrsta sinn.“

Enginn vissi af komu Bubba, hvorki áhorfendur né aðrir flytjendur, „en einhverjir urðu varir við hann baksviðs rétt áður.“

Jói P og Króli voru á undan Bubba á sviði og fluttu meðal annars smellinn BOBA, segir Friðrik Ómar að „sample“ með Bubba hafi verið spilað á undan þeim og eftir.

Mynd: Bjarni Eiríksson

„Þetta var ótrúlegt móment og gaman að sjá þetta verða að veruleika,“ segir Friðrik Ómar, sem lofaði Bubba í hástert: „Vá hvað hann er professional. Hann hringdi í gær og er alveg í skýjunum og sagði þetta vera eitt af topp 10 mómentum á hans ferli.“

Friðrik Ómar er enn staddur fyrir norðan í smá hvíld fyrir næsta verkefni sem er George Michael showið í Hörpu þann 14. september næstkomandi.

„Ég er rosalega ánægður með tónleikana,“ segir Friðrik Ómar sem þakkaríbúum Dalvíkur fyrir að taka á móti öllum þessum fjölda, en íbúatala bæjarins margfaldast þegar um 1800 íbúar taka á móti 35-36 þúsund gestum.

Það er óþolandi hvað maður er alltaf að keyra þetta áfram þannig að sé enginþgn

„Við þurfum ekki að vera fleiri,“ segir Friðrik Ómar og hlær, „bara sama fólkið mætir á næsta ári,“ þegar Gulli og Heimir sögðu að mun fleiri hefðu mætt en áður, en ljóst er að aðsókn á hátíðina eins ár frá ári.

„Íbúar Dalvíkur eru ótrúlega flottir að taka á móti öllu þessu fólki og meðan þeir vilja gera það þá gengur þetta.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Vetur konungur mættur
Menning
Fyrir 3 dögum

Náttfiðrildi Stefáns Mána komin út sem rafbók

Náttfiðrildi Stefáns Mána komin út sem rafbók
Menning
Fyrir 3 dögum

Svartlyng er sótsvartur gamanleikur – ,,Fyrirgefðu… ég verð bara alltaf svo graður þegar allt er að ganga upp”

Svartlyng er sótsvartur gamanleikur – ,,Fyrirgefðu… ég verð bara alltaf svo graður þegar allt er að ganga upp”
Menning
Fyrir 4 dögum

Arnar Dór með ábreiðu af lagi Simon & Garfunkel

Arnar Dór með ábreiðu af lagi Simon & Garfunkel
Menning
Fyrir 4 dögum

Hvernig stöðvar maður morðingja sem enginn trúir að sé til?

Hvernig stöðvar maður morðingja sem enginn trúir að sé til?