Menning

Hakakrossinn leyfður í Þýskalandi – Undantekning gerð vegna tölvuleikja

Tómas Valgeirsson
Föstudaginn 10. ágúst 2018 10:23

Hakakrossinn (e. „Swastika“) er eitt alræmdasta táknmerki mannkynssögunnar; tákn Þriðja ríkisins. Orðið merkir „heillagripur“ í sanskrít en í ljósi tengingar þess við nasistahreyfinguna hafa lög í Þýskalandi stranglega bannað notkun þess ásamt öðrum merkjum nasista. Þetta bann hefur að öðru leyti orsakað vandamál varðandi hof hindúa, búddista og jainista, þar sem táknið er iðulega notað.

Nú hafa þýsk stjórnvöld gerð undantekningu fyrir notkun táknsins í tölvuleikjum. Uppspretta þessarar lagabreytingar er Wolfenstein-tölvuleikjaserían stórvinsæla, en hún gengur út á það að leikmaðurinn berst gegn nasistum.

Wolfenstein-leikirnir hafa ollið miklum usla í Þýskalandi í gegnum árin og gengið í gegnum ýmsar breytingar til þess að þóknast banninu. Þess má geta að þýska útgáfan af Wolfenstein 2: The New Colossus, sýndi enga hakakrossa og vitnar ekkert í Adolf Hitler sem foringja nasistaflokksins. Einnig var hið fræga yfirvaraskegg Hitlers fjarlægt í þeirri útgáfu.

Stjórnvöldin komust þó að þeirri niðurstöðu á dögunum að Wolfenstein-leikirnir teljist til listaverka og fái þess vegna undanþágu frá banninu.

Breytingin þýðir annars vegar ekki að allir tölvuleikir geti notað táknið undantekningalaust héðan í frá, en verður hvert tilfelli metið fyrir sig.

Hermt er eftir að Samband þýska tölvuleikjaiðnaðarins hafi gefið út yfirlýsingu þar sem þeir segja að leikir sem sýna hakakrossinn með úthugsuðum og ábyrgum hætti, sem hvetur til endurspeglunar á fortíðina, eigi meiri líkur á undanþágu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Menning
Fyrir 4 dögum

Sigga Eyrún og Bjarni taka ábreiðu af Golden Globe verðlaunalagi

Sigga Eyrún og Bjarni taka ábreiðu af Golden Globe verðlaunalagi
Menning
Fyrir 4 dögum

Ritdómur um „Hinir smánuðu og svívirtu“: Sálkönnuðurinn Dostojevskí

Ritdómur um „Hinir smánuðu og svívirtu“: Sálkönnuðurinn Dostojevskí
Menning
Fyrir 6 dögum

Íslensku listaverki stolið í Bandaríkjunum – Tökulið Tom Hanks yfirheyrt

Íslensku listaverki stolið í Bandaríkjunum – Tökulið Tom Hanks yfirheyrt
Menning
Fyrir 1 viku

Michael Moore jarðar Trump: „Dömur mínar og herrar, síðasti forseti Bandaríkjanna“

Michael Moore jarðar Trump: „Dömur mínar og herrar, síðasti forseti Bandaríkjanna“