Daniel Craig á eftir að skila hlutverki sínu sem James Bond í einni mynd enn og leitin er hafin að eftirmanni hans.
Craig byrjar tökur í desember á fimmtu og síðustu Bond mynd sinni, en Bond 25 verður sýnd í október 2019.
Annar aðalleikara Adrift, nýjustu myndar Baltasars Kormáks, Sam Claflin, er farinn að vekja meiri athygli sem líklegur arftaki Craig.
Claflin er 32 ára og vakti athygli í myndunum Me Before You, The Hunger Games og Pirates of the Caribbean áður en hann lék í Adrift. Líkur hans á að verða Bond eru núna 12/1.
Tom Hiddleston er með líkurnar 16/1, Justin Hartley 9/1, Idris Elba og Aidan Turner 8/1 og Jack Huston 7/1.
Tom Hardy og James Norton hafa enn forskot með 3/1.
Sá sem valinn verður mun leika í næstu mynd árið 2022, sem markar einnig 60 ára afmæli James Bond seríunnar.
