Tónlistarmaðurinn Ásgeir Trausti heldur tónleika í heimabæ sínum Laugarbakka í kvöld. Tónleikarnir fara fram í félagsheimilinu Ásbyrgi og hefjast klukkan 20:30.
Tónleikunum verður útvarpað beint á FM Trölli en það eru hjónin Kristín Sigurjónsdóttir og Gunnar Smári Helgason sem hita upp fyrir Ásgeir. Hægt er að hlusta á tónleikanna á vef Trölla en þeir eru hluti af tónleikaferð Ásgeirs Trausta, Hringsól.
Á tónleikunum frumflytur Ásgeir m.a. glænýtt efni sem mun prýða hans þriðju plötu sem væntanleg er í upphafi næsta árs.