Hringferðin, verk eftir Böðvar Þór Unnarsson með tónlist Sigurbjörns Más Valdimarssonar og Skúla Arasonar, sem vinna undir nafninu Flekaskil, er komin á YouTube.
Myndin er dáleiðandi hringferð um Ísland með tónlist sem smellpassar við hið mismunandi landslag og veður sem á sér stað á þessari hraðskreiðu yfirferð en í myndinni eru teknir tveir hringvegir á klukkutíma, einn suðurhringur og einn norðurhringur.
Skúli og Sigurbjörn eru einnig meðlimir í Flekum, sem hafa gefið út nokkur lög og er plata væntanlega frá þeim í haust.
Það er tilvalið að koma sér vel fyrir og upplifa hringveginn án þess að fara neitt; enginn eldsneytiskostnaður og ekkert vesen.
Platan er einnig á Spotify.