Jólatónleikar Geirs Ólafssonar eru orðnir fastir liðir á aðventunni og í ár verða tónleikarnir þrír, þann 6., 7. og 8. desember næstkomandi.
Sérstakir gestir verða þeir Raggi Bjarna og Gunnar Þórðarsson
Tónleikarnir hafa fengið feikna góða dóma fyrir frábæran flutning, skemmtanagildi og fagmennsku í alla staði. Að sögn Geirs er það að hafa að baki sér sjálfan Don Randy og stórsveit hans eitt og sér stórviðburður í íslensku tónlistarlífi og gefur þessum tónleikum algjöra sérstöðu. Þar að auki hefur hann með sér fjöldan allan af hæfileikafólki þar sem hann gefur ungu kynslóðinni ekki síður pláss en þeirri eldri.
Þetta árið mun Las Vegas Christmas Show ekki gefa fyrri sýningum neitt eftir. Blanda af heimsþekktum reynsluboltum, ungum stórefnilegum söngvurum og öllu þar á milli mun hljóma sem aldrei fyrr í Gamla Bíói. Enn og aftur mun Don Randi mæta með The Quest Big Band og á dagkránni verða jólalög og standardar sem allir þekkja í einstökum flutningi Geirs og hans fríða flokks.
Það er með stolti sem kunngjört er að kynnir og „MC“ verður hinn heimsþekkti leikari, tónlistarmaður og uppistandari Nick Jameson (24, Lost, King of Queens og fleira).
„Það verður því sannkölluð „glamour“ jólastemning að mæta í hátíðarkvöldverð í fagurlega skreyttum sal Gamla Bíó á aðventunni, í góðra vina hópi, neyta guðaveiga, gleyma öllu jólastressi og njóta Las Vegas Cristmas Show,“ segir Geir. „Í fyrra komust færri að en vildu og munið: „What happens in Las Vegas Christmas Show stays in Las Vegas Christmas Show.“
Sérstakur heiðursgestur er Gunnar Þórðarson.
Söngvarar ásamt Geir Ólafssyni eru:
Rebekah Sif Stefánsdóttir
Hljómsveit Don Randi The Quest skipa:
Birgir Nielsen – slagverk
Þórir Baldursson – Hammond orgel
Brandon Fields – tenor sax
Vilhjálmur Guðjónsson – tenor sax
Hljómsveitarstjóri: Þórir Baldursson
Dinner-píanóleikari: Stefán Henrýsson