Menning

Skyggnst inn í þróun hinsegin skemmtanalífs með pöbbarölti

Tómas Valgeirsson
Föstudaginn 10. ágúst 2018 13:30

„Íslenskt hinseg­in skemmtana­líf hef­ur verið alls kon­ar í gegn­um árin, leynt og ljóst, há­vært og lág­vært.“ Þetta segir í blaði Hinseg­in daga um hið svonefnda Hinsegin pöbbarölt, sem hefst í kvöld, föstudag, klukkan sex. Í blaðinu segir einnig að sam­kyn­hneigðir karl­menn á Íslandi hafi daðrað við her­menn á Borg­inni á fimmta ára­tug síðustu ald­ar, að sam­kyn­hneigðar kon­ur hafi leitað skjóls í Stúd­enta­kjall­ar­an­um og að dragið hafi blómstrað á Rauðu myll­unni.

Gunnlaugur Bragi Björnsson, viðskiptafræðingur og formaður Hinsegin daga, lýsir þessari spennandi nýjung sem byggir að hluta til á grein sem Hilmar Hildarson-Magnússon tók saman á 30 ára afmæli Samtakanna ’78 árið 2008. „Þá tók Hilmar umfjöllun á söguna og hvernig skemmtanalífið fór fram og hefur þróast. Þessi ferð okkar byggir svolítið á hans grein og verða heimsóttir þarna nokkrir staðir með sögu og nokkrum drykkjum í leiðinni,“ segir Gunnlaugur.

Þetta er í fyrsta skiptið sem Hinsegin pöbbaröltið fer fram og verður gengið frá Hlemmi og endað á Naustinu en þaðan er örstutt rölt að gömlu höfninni þar sem hefst sigling klukkan 21.

„Í gegnum tíðina hafa verið fjölmargir hinsegin skemmtistaðir, sjaldnast margir í einu, en bæði hinsegin staðir eða staðir sem ýmist fólk hefur tekið að sækja og gert að sínum að einhverju leyti. Þarna eru auðvitað ýmsir aðrir skemmtistaðir eða einfaldlega allt annar rekstur í dag, en þarna ætlum við að stoppa og skyggnumst inn í þá stemningu sem þarna var. Einnig ætlum við að heyra sögur um hvað gerðist og hvað fólkinu fannst sem sótti þessa staði á þeim tíma.“

Að sögn Gunnlaugs er um lítinn viðburð að ræða með takmarkað miðaframboð en segir hann fólk hafa almennt tekið vel í hugmyndina. „Þetta fer fram á íslensku en ef vel gengur er aldrei að vita nema við endurtökum leikinn seinna og þá mögulega á öðrum tungumálum, þannig að erlendir gestir geti átt auðveldara með að slást í hópinn,“ segir Gunnlaugur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Menning
Fyrir 4 dögum

Sigga Eyrún og Bjarni taka ábreiðu af Golden Globe verðlaunalagi

Sigga Eyrún og Bjarni taka ábreiðu af Golden Globe verðlaunalagi
Menning
Fyrir 4 dögum

Ritdómur um „Hinir smánuðu og svívirtu“: Sálkönnuðurinn Dostojevskí

Ritdómur um „Hinir smánuðu og svívirtu“: Sálkönnuðurinn Dostojevskí
Menning
Fyrir 6 dögum

Íslensku listaverki stolið í Bandaríkjunum – Tökulið Tom Hanks yfirheyrt

Íslensku listaverki stolið í Bandaríkjunum – Tökulið Tom Hanks yfirheyrt
Menning
Fyrir 1 viku

Michael Moore jarðar Trump: „Dömur mínar og herrar, síðasti forseti Bandaríkjanna“

Michael Moore jarðar Trump: „Dömur mínar og herrar, síðasti forseti Bandaríkjanna“