fbpx
Menning

Undarlegir hlutir gerast á fjallinu: Nýr danskur höfundur slær í gegn

Ágúst Borgþór Sverrisson
Fimmtudaginn 14. júní 2018 16:36

Fjallið í Kaupmannahöfn er komin út hjá Sölku. Bókin er eftir Kaspar Colling Nielsen sem hefur verið nefndur ein frumlegasta rödd danskra samtímabókmennta. Fjallið í Kaupmannahöfn er fyrsta bók Colling Nielsen en hann kennir einnig við CBS (Copenhagen Business School) og starfar sem handritshöfundur fyrir kvikmyndir og sjónvarpsþætti.

Kaspar Colling Nielsen

Fjallið í Kaupmannahöfn segir frá risavöxnu fjalli sem hefur verið byggt rétt utan við Kaupmannahöfn og hefur afdrifaríkar og furðulegar afleiðingar fyrir dönsku þjóðina og umheiminn allan. Fjallið er 3.500 metra hátt og 55 kílómetrar að ummáli og gífurleg stærð þess hefur gjörbreytt loftslagi landsins. Í einni hendingu hafa dýraríki og plöntuflóra Danmerkur tekið óafturkræfum breytingum og Danir verða aldrei samir.

Undarlegir hlutir fara að gerast og þær persónur sem við kynnumst á fjallinu hafa allar hugmyndir um að hefja nýtt líf og láta ekki almenna rökhyggju standa í vegi fyrir því – enda hefur tilvist fjallsins sýnt og sannað að ekkert er ómögulegt. Sautján frásagnir bókarinnar segja meðal annars frá geimverum í Valby, afnámi stéttaskiptingarinnar á Indlandi og átökum segulmagnaðs manns við danska herinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Menning
Fyrir 4 dögum

Söguhringur kvenna kallar eftir lestrarhryssum

Söguhringur kvenna kallar eftir lestrarhryssum
Menning
Fyrir 4 dögum

Silja Aðalsteins skrifar leikdóm um Ronju Ræningjadóttur – „Salka Sól var dásamleg Ronja, í einu orði sagt“

Silja Aðalsteins skrifar leikdóm um Ronju Ræningjadóttur – „Salka Sól var dásamleg Ronja, í einu orði sagt“