Ed Sheeran, The XX og Stormzy meðal þeirra sem eru tilnefndir
Poppstjarnan Ed Sheeran, indísveitin The XX og rapparinn Stormzy eru meðal þeirra listamanna sem eru tilnefndir til Mercury-tónlistarverðlaunanna í ár. Verðlaunin, sem eru veitt árlega fyrir bestu bresku plötuna, eru ein virtustu popptónlistarverðlaun Bretlands og þekkt fyrir að láta ekki sölutölur eða tískubólur hafa áhrif á valið – en í fyrra var það grime-rapparinn Skepta sem hlaut verðlaunin fyrir plötuna Konnichiwa. Sigurvegarinn í ár verður kynntur 14. september og mun hann hljóta 25 þúsund pund, eða rúmar þrjár milljónir íslenskra króna, að launum.
Þær plötur sem eru tilnefndar til verðlaunanna í ár eru eftirfarandi:
• Relaxer með Alt-J
• Love in the 4th Dimension með The Big Moon
• Blossoms með Blossoms
• Yesterday’s Gone með Loyle Carner
• Together, As One með Dinosaur
• How to Be a Human Being með Glass Animals
• Common Sense með J Hus
• Process með Sampha
• ÷ með Ed Sheeran
• Gang Signs & Prayer með Stormzy
• Let Them Eat Chaos með Kate Tempest
• I See You með The xx
