fbpx
Fimmtudagur 25.apríl 2024
Fókus

Sigur einlægninnar

Langbesta lagið vann í Eurovision

Kolbrún Bergþórsdóttir
Þriðjudaginn 16. maí 2017 14:18

Ekki missa af Helstu tíðindum dagsins í pósthólfið þitt

Lesa nánar

Þau okkar sem gáfust upp á Eurovision fyrir allmörgum árum hljóta nú að endurskoða afstöðu sína eftir sigur Portúgalans Salvador Sobral í keppninni. Þetta var frammistaða sem skar sig úr vegna einfaldleika og einlægni. Meðan flestir aðrir keppendur lögðu áherslu á glamúr og glimmer og „líflega“ sviðsframkomu stóð Salvador einn á sviðinu í látlausum klæðnaði og söng einfalt en grípandi lag af gríðarlegri innlifun. Hann var hann sjálfur, var ekki að þykjast vera neitt annað, og heillaði heimsbyggðina.

Í keppni eins og þessari reyna keppendur af öllum mætti að vera öðruvísi, en það er eins og þeir fái allir sömu hugmyndina og fyrir vikið eru þeir ansi svipaðir. Lögin eru svo yfirleitt hvert öðru lík og renna saman svo það er nánast ómögulegt að muna eftir nokkru þeirra þegar keppninni er lokið.

Ítalir mættu með górillu á svið (sagt var að það ætti að minna okkur á að við værum öll apar) sem átti víst að vera frumlegt en varð einungis kjánalegt. Jóðlað var í einu lagi, sem átti sennilega líka að vera frumlegt en hljómaði beinlínis vandræðalega. Yfirborðsmennskan í Eurovison, sem heillar að vísu marga, er stundum æpandi. Það var því nánast eins og stílbrot þegar Salvador Sobral steig á svið og söng einfalt en melódískt lag, eftir systur sína, á portúgölsku. Þetta var eina ekta atriðið í Eurovision. Það var síðan endurtekið þegar Salvador flutti sigurlagið með systurinni á afar áhrifamikinn hátt.

Salvador sagði sigur sinn vera sigur tónlistarinnar og það má til sanns vegar færa. Tónlist á að vekja tilfinningar og það tókst í þessu fallega sigurlagi. Nú má búast við því að næsta ár leggi fjölmargir keppendur upp úr einfaldleika og hugi betur að textagerð en áður. Ekki er víst að þeim takist jafn vel upp og Salvador, en það má alltaf reyna. Víst er að við sem höfum ekki haft gaman af Eurovision hin síðari ár erum aðeins kátari nú en áður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pétur Einarsson látinn
Fókus
Í gær

„Ég var kominn á stað þar sem ég vissi að ég myndi valda mér miklum skaða ef ég myndi ekki taka í taumana“

„Ég var kominn á stað þar sem ég vissi að ég myndi valda mér miklum skaða ef ég myndi ekki taka í taumana“
Fókus
Í gær

Jón og Hafdís selja Seltjarnarnesvilluna

Jón og Hafdís selja Seltjarnarnesvilluna
Fókus
Fyrir 2 dögum

Keppandi Írlands í Eurovision í ár er kvár

Keppandi Írlands í Eurovision í ár er kvár
Fókus
Fyrir 2 dögum

Segir að meðlimur bresku konungsfjölskyldunnar hafi boðið henni í kynsvall

Segir að meðlimur bresku konungsfjölskyldunnar hafi boðið henni í kynsvall
Fókus
Fyrir 3 dögum

Flaug á rassinn á sviðinu – „Lögfræðingurinn minn mun hringja“

Flaug á rassinn á sviðinu – „Lögfræðingurinn minn mun hringja“
Fókus
Fyrir 3 dögum

Aðdáendur fá innsýn í ástarlíf Taylor Swift á nýrri plötu – Það kom þó á óvart hvaða maður er þar í aðalhlutverki

Aðdáendur fá innsýn í ástarlíf Taylor Swift á nýrri plötu – Það kom þó á óvart hvaða maður er þar í aðalhlutverki
Fókus
Fyrir 3 dögum

Sviplegt fráfall samfélagsmiðlastjörnu skekur netheima – „Ég skil þetta ekki, ég var með henni á föstudaginn“

Sviplegt fráfall samfélagsmiðlastjörnu skekur netheima – „Ég skil þetta ekki, ég var með henni á föstudaginn“
Fókus
Fyrir 3 dögum

Einkaþjálfari Taylor Swift varpar ljósi á það sem hún gerir til að halda sér í formi

Einkaþjálfari Taylor Swift varpar ljósi á það sem hún gerir til að halda sér í formi