Menning

Harmsaga stúlkunnar í skápnum

Kolbrún Bergþórsdóttir
Laugardaginn 2. desember 2017 21:30

Það var átakanlegt að horfa á nýlegan spjallþátt dr. Phil sem var á dagskrá Sjónvarps Símans þar sem hann ræddi við Lauren Kavanaugh sem oft er kölluð „stúlkan í skápnum“. Í sex ár, frá tveggja til átta ára aldurs, geymdu móðir hennar og stjúpfaðir hana inni í skáp, sveltu hana og beittu hana ofbeldi. Þegar henni var bjargað var hún ekki stærri en tveggja ára barn. Lauren er nú tuttugu og þriggja ára og hefur skiljanlega aldrei jafnað sig á þessari viðurstyggilegu meðferð.

Hún var í góðum höndum hjá dr. Phil sem talaði við hana af hlýju og skilningi og hún sagði honum frá líðan sinni. Hún á erfitt með svefn, fær martraðir og þjáist af kvíða. Hvað eftir annað finnst henni hún endurlifa barsmíðar móður sinnar og stjúpföður, en bæði fengu lífstíðarfangelsisdóm fyrir meðferðina á henni. Rúmlega þrjátíu sinnum hefur Lauren reynt að svipta sig lífi.

Það tók á að horfa á þessa ungu konu lýsa martraðarkenndri tilvist sinni. Hún á að vísu kærustu en sú vitnaði um mikla vanlíðan Lauren og sagðist lítið geta gert henni til hjálpar, svo mikill væri sársaukinn. Dr. Phil var þó ekki á því að gefast upp. Hann bauð Lauren meðferð á virtri stofnun í Kaliforníu og auk þess leigulausa íbúð í heilt ár og tækifæri til að fá vinnu í gegnum vinnumiðlun. Lauren brast í grát og kærasta hennar klökknaði og áhorfendur í sal voru greinilega snortnir.

Dr. Phil er sannarlega ekki að vinna til einskis!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Menning
Fyrir 2 dögum

Rapparinn KÁ/AKÁ sendir frá sér nýtt lag: „Hér fáið þið að heyra mjúku hliðina á mér“

Rapparinn KÁ/AKÁ sendir frá sér nýtt lag: „Hér fáið þið að heyra mjúku hliðina á mér“
Menning
Fyrir 3 dögum

Ritdómur um „Þorpið sem svaf“: Ljóslifandi persónur úr þorpi

Ritdómur um „Þorpið sem svaf“: Ljóslifandi persónur úr þorpi
Menning
Fyrir 6 dögum

Michael Moore jarðar Trump: „Dömur mínar og herrar, síðasti forseti Bandaríkjanna“

Michael Moore jarðar Trump: „Dömur mínar og herrar, síðasti forseti Bandaríkjanna“
Menning
Fyrir 1 viku

Pollapönk lofa góðri skemmtun á Gljúfrasteini fyrir alla

Pollapönk lofa góðri skemmtun á Gljúfrasteini fyrir alla
Menning
Fyrir 1 viku

Meistarar dauðans snúa baki við Spotify

Meistarar dauðans snúa baki við Spotify
Menning
Fyrir 1 viku

„Ástin er töfrar, hvort sem þér líkar betur eða verr“ – John Grant gefur frá sér nýtt myndband

„Ástin er töfrar, hvort sem þér líkar betur eða verr“ – John Grant gefur frá sér nýtt myndband