fbpx
Menning

Bókmenntalegt sjónvarpsefni

Kolbrún Bergþórsdóttir
Sunnudaginn 22. október 2017 14:39

Á dögunum var ég að flakka á milli sjónvarpsstöðva og sá þá að á BBC var verið að sjónvarpa beint frá afhendingu Booker-verðlaunanna virtu. Athöfnin var í glæsilegum sal í miðborg London þar sem gestir sátu við borð og drukku vín, þar á meðal voru tilnefndu höfundarnir fimm. Í hliðarsal ræddi fréttakona við tvo gagnrýnendur sem sögðu stuttlega en um leið skemmtilega frá tilnefndu bókunum og gáfu þeim einkunnir. Ekki fannst þeim allar tilnefndu bækurnar eiga fyllilega skilið að vera á listanum.

Þetta var fínt sjónvarpsefni, sérstaklega vegna frammistöðu gagnrýnendanna sem tókst að koma mörgu að í fáum orðum. Hrifnastir virtust þeir vera af bók bandaríska höfundarins George Saunders, Lincoln in the Bardo, en þar segir frá harmi Abrahams Lincoln Bandaríkjaforseta eftir að ellefu ára sonur hans deyr. Þetta er engin venjuleg skáldsaga, frásagnaraðferðin er mjög sérstök og minnir stundum á leikritaform og þar heyrast raddir tæplega 200 persóna. Algjörlega frábær skáldsaga og mikið óskaði ég þess að hún myndi vinna.

Einmitt þegar tilkynna átti um sigurvegarann rofnaði sambandið og fréttaþulur BBC kom á skjáinn og baðst afsökunar á því og sagðist vona að samband kæmist á innan tíðar. Það liðu þónokkrar mínútur en þá komst samband á að nýju og þá sást Saunders minn í ræðupúlti að flytja þakkarræðu sína. Þarna vann réttur maður og rétt bók!

Fyrir utan óvænta truflun á útsendingu var þessi verðlaunaathöfn, sem var stutt, um hálftími, sannarlega þess virði að á hana væri horft. Þeir sem hafa umsjón með afhendingu Íslensku bókmenntaverðlaunanna ættu jafnvel að íhuga að taka mið af henni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Síðustu orðin
Menning
Í gær

Kona sveltir sig fyrir eiginmanninn – Forboðnar sögur um lífið í Norður-Kóreu

Kona sveltir sig fyrir eiginmanninn – Forboðnar sögur um lífið í Norður-Kóreu
Menning
Í gær

Ronja Ræningjadóttir – „Meiri áhersla á þroskasöguna en hetjuhlutverkið“

Ronja Ræningjadóttir – „Meiri áhersla á þroskasöguna en hetjuhlutverkið“
Menning
Fyrir 3 dögum

Stormfuglar Einars Kárasonar – kynning á bókmenntaarfinum

Stormfuglar Einars Kárasonar – kynning á bókmenntaarfinum
Menning
Fyrir 3 dögum

Lof mér að falla er langvinsælasta mynd landsins

Lof mér að falla er langvinsælasta mynd landsins
Menning
Fyrir 3 dögum

Silja Aðalsteins skrifar leikdóm um Allt sem er frábært – „Aðferðin sem Valur Freyr beitir er einlægni og hún fer honum vel“

Silja Aðalsteins skrifar leikdóm um Allt sem er frábært – „Aðferðin sem Valur Freyr beitir er einlægni og hún fer honum vel“
Menning
Fyrir 3 dögum

Hvaða kvikmynd verður framlag Íslands til Óskarsverðlaunanna?

Hvaða kvikmynd verður framlag Íslands til Óskarsverðlaunanna?
Menning
Fyrir 4 dögum

Bókin um gleðina – Varanleg hamingja í breytilegum heimi

Bókin um gleðina – Varanleg hamingja í breytilegum heimi
Menning
Fyrir 4 dögum

Sjáðu stemninguna á Eistnaflugi 2018

Sjáðu stemninguna á Eistnaflugi 2018