Stefán Baldursson heiðraður af Sviðslistasambandi Íslands
Leiksýningin Njála í leikstjórn Þorleifs Arnar Arnarssonar var langatkvæðamest á Grímuverðlaunahátíðinni sem fór fram í Þjóðleikhúsinu í gær. Sýningin hlaut alls tíu verðlaun, meðal annars var hún valin sýning ársins, leikrit ársins, Þorleifur Örn var valinn leikstjóri ársins og Brynhildur Guðjónsdóttir var valin leikkona ársins, en hún lék meðal annars Njál í sýningunni.
Hilmir Snær Guðnason var valinn leikari ársins fyrir frammstiöðu sína í Hver er hræddur við Virginíu Woolf? Hjörtur Jóhann Jónsson var valinn bestur í aukahlutverki fyrir frammistöðu sína í Njálu og Kristín Þóra Haraldsdóttir var valin besta leikkonan í aukahlutverki fyrir hlutverk sitt í Auglýsingu ársins.
Barnasýning ársins var Vera og vatnið eftir Tinnu Grétarsdóttur, Snædísi Lilju Ingadóttur, Guðnýju Hrund Sigurðardóttur og Sólrúnu Sumarliðadóttur í sviðsetningu Bíbí og blaka.
Söngvari ársins var Elmar Gilbertsson fyrir Don Giovanni í sviðsetningu Íslensku Óperunnar og dansari ársins var Aðalheiður Halldórsdóttir og var hún verðlaunuð fyrir frammistöðu í Persóna – What a feeling í sviðsetningu Íslenska dansflokksins.
Sprotaverðlaunin hlutu Hrafnhildur Hagalín og Björn Thors fyrir heimildaleikverkið Flóð og heiðursverðlaun Sviðslistasambands Íslands hlaut Stefán Baldursson.
Sýning ársins 2016
Njála í leikgerð Mikaels Torfasonar og Þorleifs Arnar Arnarssonar.
Leikrit ársins 2016
Njála í leikgerð Mikaels Torfasonar og Þorleifs Arnar Arnarssonar.
Leikstjóri ársins 2016
Þorleifur Örn Arnarsson fyrir Njálu.
Leikari ársins 2016 í aðalhlutverki
Hilmir Snær Guðnason fyrir Hver er hræddur við Virginíu Woolf?
Leikkona ársins 2016 í aðalhlutverki
Brynhildur Guðjónsdóttir fyrir Njálu
Leikari ársins 2016 í aukahlutverki
Hjörtur Jóhann Jónsson fyrir Njálu
Leikkona ársins 2016 í aukahlutverki
Kristín Þóra Haraldsdóttir fyrir Auglýsingu ársins
Leikmynd ársins 2016
Ilmur Stefánsdóttir fyrir Njálu
Búningar ársins 2016
Sunneva Ása Weisshappel fyrir Njálu
Lýsing ársins 2016
Björn Bergsteinn Guðmundsson fyrir Njálu
Tónlist ársins 2016
Árni Heiðar Karlsson og Valdimar Jóhannsson fyrir Njálu
Hljóðmynd ársins 2016
Valdimar Jóhannsson og Baldvin Þór Magnússon fyrir Kafla 2: Og himinninn kristallast í sviðsetningu Íslenska dansflokksins.
Söngvari ársins 2016
Elmar Gilbertsson fyrir Don Giovanni í sviðsetningu Íslensku
Dans – og sviðshreyfingar ársins 2016
Erna Ómarsdóttir fyrir Njálu
Dansari ársins 2016
Aðalheiður Halldórsdóttir fyrir Persóna – What a feeling í sviðsetninguÍslenska dansflokksins.
Danshöfundur ársins 2016
Inga Huld Hákonardóttir og Rósa Ómarsdóttir fyrir The Valley í sviðsetningu Menningarfélagsins Tvíeindar, Reykjavik Dance Festival og Tjarnarbíós.
Útvarpsverk ársins 2016
Fylgsnið eftir Hávar Sigurjónsson. Leikstjórn Hilmar Jónsson, framleiðandi Útvarpsleikhúsið á RÚV.
Sproti ársins 2016
Hrafnhildur Hagalín og Björn Thors fyrir Flóð í sviðsetningu Borgarleikhússins.
Barnasýning ársins 2016
Vera og vatnið eftir Tinnu Grétarsdóttur, Snædísi Lilju Ingadóttur, Guðnýju Hrund Sigurðardóttur og Sólrúnu Sumarliðadóttur í sviðsetningu Bíbí og blaka.
Heiðursverðlaun Sviðslistasambands Íslands 2016
Stefán Baldursson.
