Tekur við af Kristjáni Steingrími Jónssyni
Í síðustu viku var Sigrún Inga Hrólfsdóttir, myndlistarmaður, ráðin nýr deildarforseti myndlistardeildar Listaháskóla Íslands. Sigrún var valin úr hópi sjö umsækjenda um starfið en hún tekur við af Kristjáni Steingrími Jónssyni sem hefur sinnt starfinu frá stofnun skólans árið 1999. Deildarforseti fer með yfirstjórn deildarinnar, stýrir akademísku starfi hennar og ber ábyrgð á rekstri, auk þess að sitja í framkvæmdaráði skólans.
Sigrún Inga Hrólfsdóttir er fædd árið 1973, hún stundaði myndlistarnám á listasviði Fjölbrautaskólans í Breiðholti frá 1990-93, við Myndlista- og handíðaskóla Íslands 1993 – 96 og stundaði mastersnám við Pratt Institute í New York frá 1996 – 97. Hún hefur einnig numið listfræði og heimspeki við Háskóla Íslands.
Í list sinni hefur Sigrún unnið í ýmsa miðla, teikningu, vídeó og innsetningar en hefur á undanförnum árum snúið sér í auknum mæli að málverkinu. Sigrún er ein af stofnendum Gjörningaklúbbsins / Icelandic Love Corporation sem hefur verið starfandi í 20 ár en verk klúbbsins hafa verið sýnd um allan heim og eru í eigu helstu safna á Íslandi og fjölmargra erlendra opinberra safna