Íslensku bókmenntaverðlaunin 2015 voru veitt við hátíðlega athöfn á Bessastöðum á miðvikudag.

Veitt voru verðlaun í þremur flokkum: Einar Már Guðmundsson hlaut verðlaunin í flokki fagurbókmennta fyrir skáldsöguna Hundadagar, Gunnar Helgason hlaut verðlaunin í flokki barna- og ungmennabóka fyrir Mamma Klikk! og í flokki fræðirita og bóka almenns eðlis var það Gunnar Þór Bjarnason sem hlaut verðlaunin fyrir bók sína Þegar siðmenningin fór fjandans til: Íslendingar og stríðið mikla.

Íslensku bókmenntaverðlaunin nema einni milljón króna fyrir hvert verðlaunaverk. Þriggja manna dómnefndir tilnefndu fimm verk í hverjum flokki, en lokadómnefnd skipuð formönnum dómnefndanna þriggja, auk eins aðila skipuðum af forseta Íslands, valdi sigurverkin. Lokadómnefnd skipuðu Erna Guðrún Árnadóttir, Hildigunnur Sverrisdóttir, Pétur Þorsteinn Óskarsson og Árni Sigurjónsson, sem jafnframt var formaður nefndarinnar.

„Höfuðbaráttan í þessum heimi er baráttan um söguna.“ Verðlaunabókin Hundadagar er skáldsaga sem er frjálslega byggð á sögulegum heimildum og velti Einar Már fyrir sér hvað fælist í sögu, sannleika og lygi.

Mynd: Þormar Vignir Gunnarsson

Verðlaunahafarnir Gunnar, Gunnar Þór og Einar Már voru ánægðir með

Mynd: Þormar Vignir Gunnarsson

Veitir verðlaunin í síðasta sinn Forseti Íslands, Ólafur Ragnar Grímsson, kynnti niðurstöður dómnefndar og afhenti verðlaunin. Hér afhendir hann Gunnari Þór Bjarnasyni verðlaunagripinn.

Mynd: Þormar Vignir Gunnarsson

Formaðurinn Egill Örn Jóhannsson, formaður Félags íslenskra bókaútgefenda, hélt stutta ræðu og tilkynnti þá sem tilnefndir voru.

Mynd: Þormar Vignir Gunnarsson

Æðruleysi KK flutti lögin Á æðruleysinu og Aleinn í heimi er við athöfnina á Bessastöðum.

Mynd: Þormar Vignir Gunnarsson

„Vonandi lærum við að varðveita heimsfriðinn.“ Í ræðu sinni velti Gunnar Þór Bjarnason fyrir sér hvað væri hægt að læra af sögunni, en hann sagði að fyrri heimsstyrjöldin hefði ekki verið óhjákvæmilegur harmleikur.

Mynd: Þormar Vignir Gunnarsson