Þrjár sýningar á verkum Þorvaldar Þorsteinssonar opna í Belgíu í október
Þrjár sýningar á verkum fjöllistamannsins Þorvalds Þorsteinssonar verða opnaðar í Antwerpen í Belgíu í október, en þar bjó Þorvaldur frá 2011 og þar til hann lést árið 2013. Á sýningunum eru hvortveggja eldri verk sem hann vann á dögum sínum í Hollandi kringum 1987 til 1992 í bland við nýrri verk sem hann vann á árunum 2010 til 2013. Fyrsta opnunin fer fram í trampoline galleríinu í dag, laugardaginn 8. október, þá opnar sýning í M HKA nútímalistasafni borgarinnar þann 13. október og þriðja opnunin fer fram í listarýminu PARISTEXASantwerp 14. október.