CCP gefur út tvo leiki á Playstation 4

EVE: Valkyrie og Gunjack marka tímamót í sögu CCP

Var í dag gefinn út á Playstation 4 líkt og Gunjack.
EVE: Valkyrie Var í dag gefinn út á Playstation 4 líkt og Gunjack.

Tölvuleikjaframleiðandinn CCP gaf í dag út tvo leiki, EVE: Valkyrie og Gunjack, fyrir PlayStation 4 leikjavélar SONY. Útgáfan markar ákveðin tímamót í sögu CCP sem hér gefur út sína fyrstu leiki fyrir PlayStation 4.

Í tilkynningu frá fyrirtækinu kemur fram að bæði EVE: Valkyrie og Gunjack séu leikir á sviði sýndarveruleika (e. virtual reality, VR) og koma þeir út samhliða útgáfu SONY á PlayStation VR búnaðinum fyrir PlayStation 4 .

„Báðir leikirnir hafa komið út fyrir Oculus Rift á PC, auk þess sem Gunjack hefur einnig komið út fyrir HTC Vive á PC og náð metsölu fyrir Samsung Gear VR búnaðinn ætlaður farsímum fyrirtækisins,“ segir í tilkynningunni.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.