Russell Crowe fékk frábærar viðtökur í Hörpu

Spilar á þrennum tónleikum í kvöld
Þórður Ingi Jónsson
18:58 › 18. ágúst 2012

Kvikmyndaleikarinn Russell Crowe kom fram á tónleikum ásamt samstarfsfélaga sínum Alan Doyle í Norðurljósasal Hörpu síðdegis í dag. Tónleikarnir fengu frábærar viðtökur en þetta voru fyrstu tónleikar félaganna á Íslandi.

Crowe og Doyle koma síðan fram á öðrum þrennum tónleikum í kvöld. Þeir munu stíga á stokk í bakgarðinum hjá skemmtistaðnum Bar 11 klukkan 20:30 en X-977 og Bar 11 standa að baki þeim tónleikum. Síðan munu félagarnir spila á gistiheimilinu Kex Hostel klukkan 21:30 í kvöld.

Á Facebook-síðu Gamla Gauksins kemur einnig fram að staðurinn muni fagna árs afmæli enduropnunar í kvöld en Crowe og Doyle munu hita upp áður en Magni og félagar stíga á svið. Frítt er inn á tónleikana og þeir byrja stuttu eftir flugeldasýninguna klukkan 11.


Lumar þú á fréttaskoti eða áhugaverðu efni? Smelltu hér!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.